اربط SMM بانل بدفعة وخلي رصيد عملائك يتشحن لوحده

لو بتشغّل SMM بانل، انت عارف قد إيه طلبات الشحن بتاخد وقت: العميل يحوّل، ويبعتلك سكرين شوت، وانت تراجع وتشحن رصيده يدوي. مع دفعة الدورة دي كلها بتبقى أوتوماتيك، والعميل بيلاقي رصيده اتشحن بعد التحويل بثواني.

إيه اللي محتاجه؟

• بانل شغال، زي Perfect Panel أو أي بانل من الأنواع المدعومة في صفحة التكامل.
• مفتاح API من إدارة البانل بصلاحية إضافة رصيد.
• متجر في دفعة فيه وسيلة دفع واحدة على الأقل، وموبايل مربوط.

خطوات الربط

1. من متجرك افتح التكامل، واختار نوع البانل.
2. اكتب دومين البانل وحط مفتاح الـ API.
3. فعّل الشحن التلقائي.
4. جرّب بتحويل صغير، واتأكد إن رصيد حساب الاختبار اتشحن.

إزاي دفعة يعرف الرصيد يروح لمين؟

1. صفحة الدفع

العميل بيدفع من خلال صفحة الدفع وبيحدد حسابه على البانل، فبعد ما التحويل يتأكد الرصيد بيروح للحساب ده.

2. الربط بالرقم

العميل يربط رقم محفظته بحسابه مرة واحدة. بعد كده أي تحويل جاي من الرقم ده بيتشحن في حسابه أوتوماتيك، حتى لو ماكتبش أي بيانات. الميزة دي شغالة مع محافظ الموبايل. أما إنستاباي فبيتأكد بالرقم المرجعي.

عايز تراجع قبل الشحن؟

سيب الشحن التلقائي مقفول، والتحويلات هتتأكد وتتسجل في المعاملات، وانت تشحن بنفسك. وتقدر كمان تخلّي الربط بالرقم يعدّي على مراجعة يدوية الأول قبل ما يتفعّل.

ليه ده يفرق معاك؟

• شحن 24 ساعة حتى وانت نايم.
• مفيش سكرين شوت، لأن التأكيد بيتم من رسالة المحفظة الحقيقية.
• مفيش عمولة، لأنه اشتراك ثابت.

اتفرج على فيديو «ربط البانل» و«الربط بالرقم» في الفيديوهات التعليمية، وابدأ من هنا لو لسه ماعملتش حساب.