إنستاباي للمتاجر: إزاي تستقبل تحويلات البنوك وتأكّدها أوتوماتيك

إنستاباي بقى من أسهل طرق التحويل بين البنوك في مصر، وناس كتير بقت تفضّله على المحافظ. بس إنستاباي في دفعة بيشتغل بطريقة مختلفة شوية عن فودافون كاش، ولازم تفهم الفرق ده عشان التأكيد يشتغل صح.

الفرق الأساسي: الرقم المرجعي

رسالة المحفظة بتبقى فيها رقم المرسل، فدفعة يقدر يعرف التحويل جه من مين. لكن رسالة البنك اللي بتوصلك على تحويل إنستاباي مفيهاش رقم موبايل المرسل. عشان كده التأكيد بيتم بـالرقم المرجعي اللي العميل بيلاقيه في إيصال التحويل.

إزاي تضيف إنستاباي

1. من متجرك افتح الخطوط، وأضف وسيلة من نوع إنستاباي. إنستاباي بيتضاف كوسيلة دفع لوحده، مش كرقم محفظة.
2. اكتب اليوزرنيم بتاعك على إنستاباي.
3. أضف لينك الدفع اللي بيبدأ بـ ipn.eg، عشان العميل يفتح التطبيق على طول.
4. ارفع صورة الـ QR لو حابب تعرضها في صفحة الدفع.

وطبعاً لازم الموبايل اللي بتوصل عليه رسائل البنك يكون مربوط بدفعة.

العميل بيعمل إيه؟

1. يفتح صفحة الدفع ويختار إنستاباي.
2. يحوّل المبلغ على اليوزرنيم أو اللينك أو الـ QR.
3. ياخد الرقم المرجعي من الإيصال ويكتبه في صفحة الدفع.

دفعة بيطابق الرقم المرجعي والمبلغ مع رسالة البنك اللي وصلت، ولو اتطابقوا التحويل بيتأكد تلقائي.

نصايح

• وضّح للعميل مكان الرقم المرجعي في الإيصال، لأن ده أكتر سؤال بيتكرر.
• اتأكد إن رسائل البنك واصلة للموبايل المربوط، وإن البنك مفعّل إشعارات SMS للتحويلات الواردة.
• اعرض إنستاباي جنب المحافظ، عشان كل عميل يختار الأسهل ليه.
• الربط بالرقم مش متاح لإنستاباي، لأنه بيعتمد على رقم المرسل. شوف الشحن التلقائي للتفاصيل.

عايز تشوف الخطوات؟ اتفرج على فيديو «إضافة إنستاباي» في الفيديوهات التعليمية.